طريقة عمل حلاوة الجبن

حلاوة الجبن 😍 شوفو اللون والنعومة ماشاءالله ☺
 من الحلويات السورية المميزة بطعمها ،،ولكل يلي ما عم تزبط معهن ،،باذن الله رح اشرح بالتفصيل المفصل👌 طريقتي المعتمدة وكل الملاحظات لنجاحها😉
والطعم بشهادة يلي ذاقووا أطيب والذ من الجاهز 😍😍 اهم الاالملاحظات لنجاح حلاوة الجبن  ،،
اول خطوتين لازم نجهز القطر والقشطة البيتيه  ونتركهن يبردو الجبنة لازم تكون حلوة وقوامها مثل يلي بنحط ع البيتزا  يشط ويمط ،،السميد ممنوع الخشن لازم ناعم تبع البسبوسه او ناعم جدا يلي بيجي مثل الطحين ،،السرعه بالعمل والخطوات مهمة ،،العمل ع نار هادية من اول الشغل لآخرو ،،وبنجي لسر اللون الابيض (الطنجرة المستخدمة لازم نوع ستيل او تيفال ..ونوع السميد لازم اقرب لللابيض وما لازم يكون مخزن لوقت طويل هيك بيصفر لونو وبتطلع حلاوة الجبن ع صفار ،، ونوع الجبنة اقرب لللابيض انا بستخدم جبنة البقرات الثلاث بتعجبني شطتها وما فيها ملح  ،، )ممكن تستخدمو جبنة قشقوان المهم تنقعوها بالمي الباردة لحتى يروح الملح ،،التحريك والشغل بملعقه خشب والحركة لفوق وتحت لحتى تشطو الجبنة وتتغلغل مع المي وبس اتضيفو السميد الناعم  ،،الاضافه ع دفعات ، بترشو شوي وبتحركو لفوق وتحت هيك بتتغلغل حبات السميد بقلب العجينة وبتتفتح مزبوط  وبتطلع عجينة حلوة ولينة وناعمة ،،،بس تنتهو من عمل العجينة فورا بتكونو فاردين  نايلون ع سطح رخام وادهنو ايديكم  والنايلون بقطر بارد،بتاخدو من العجينة  قسم بنمدها وبنغطي باقي العجينة و اهم شي اضل سخنة وما تنش

بالنسبه للسميد  هو السميد الناعم  كان عندي خشن  طحنتو ع المطحنة قام صار متل السميد الفرخة يعني ناعم جدا متل الطحين  واستخدمتو  اعطى نتيجة اروع  وعجينة انعم ،،بس بفضل  يكون نص ناعم ونص ناعم جدا فرخة ،،لانو الفرخة ازا ما كنتو متحكمين بالتحريك بالسرعه المطلوبة رح بكتل شوي ،،،
وبالتوفيق للجميع  😍😍😍😍😍😍😍