الناسور العصعصي (كيس الشعر) علاجه والوقاية منه

  الناسور العصعصي
كيس الشعر

 اولا ؛ ماهو الناسور العصعصى ؟!😕😕😕
يعرف ايضا بالكيس الشعرى وهو عبارة عن كيس يحتوي على شعر متساقط، يظهر في أسفل الظهر، وتحديداً عند منطقة العصعص

ثانيا ؛  ويا ترى اسبابه ايه ؟!!
* رقم واحد الناس إلى عندها كثافة فى الشعر  يعنى عندهم شعر كتير فى الظهر ودا بنشوفه فالرجاله كتير
* رقم اتنين الناس إلى بتقعد على كراسى لفترات طويلة زى سواقين  التكاتك والنقل  والمواصلات وطلاب الثانوية العامة  إلى بيذاكروا كتير أو لو موظف قاعد على مكتبه من ٢_٨ ودا انقرض خلاص

ثالثا ؛ ما هى الاعراض ؟!
ببساطه كدا ممكن ناس كتير عندها الناسور دا بس محصلش ليه التهاب فالاعراض لم تظهر 




والاعراض هى : وجع والم وتورم اسفل الظهر  أو على منطقة العصعص  واحيانا بيبقى فى افرازات معرقة بدم او صديد واحيانا شعر والعيان مبيقدرش يقعد
دايما تلاقيه واقف أو نايم على جنبه





😐😐😐رابعا  ؛ ماهو العلاج ؟!!
 ** بصراحه انا عامل البوست دا علشان رابعا دى
هنا بقى فعلا (الوقاية خير من العلاج )
لو عندك ابن  او بنت فى ثانوية عامة وبيقعد على مكتب وبيذاكر كتير
لو انت سواق توكتوك او نص نقل أو لو انت فى وظيفة مضطر تقعد فيها على كرسى لفترات طويلة
أو لو كنت شخص مشعر
لازم تبدأ فى إجراءات الوقاية وهى
١- النظافة الشخصية يعنى تغسل منطقة العصعص بالماء والصابون أثناء الاستحمام 😑😑
٢-😐😐 تجنب القعدة لفترات طويله  ، ولو مضطر لازم قعدة مريحة تحتك زى اسفنج أو كرسى مريح
٣-😅😅 اهم حاجه بقى لازم تحلق الشعر الزائد  بصفة مستمرة واختار الطريقه الى تناسبك دى حاجة ترجعلك

** طبعا فى علاج جراحى وهو استئصال الناسور وعمل اصلاح أو ترك الجرح مفتوح أو أخذ رقعة جلدية من منطقه مجاورة ولكن جميع العمليات ليها نسب عودة ولذلك بكرر
 (الوقاية خير من العلاج )😡😡